☰ open Loading... 4 April 2025|  

पौडी खेल्ने दुई युवाको मृत्यु
पश्चिम नेपाल   | १५ चैत्र २०८१, शनिबार २२:०४

पौडी खेल्नेक्रममा झिमरुक नदीमा डुबेर दुई जनाको उपचारको क्रममा ज्यान गएको छ । भूमिकास्थान नगरपालिका–१० धनचौरी देउराली नेटका १७ वर्षीय अशोक नेपाली र १९ वर्षीय दिलीप नेपालीको मृत्यु भएको प्रहरी निरीक्षक विष्णुप्रसाद पौडेलले बताए ।

उनीहरु सोही वडाको झिमरुक खोलामा शनिबार पौडी खेल्ने क्रममा पानीमा डुबेपछि स्थानीयले प्रहरीलाई खबर गरी उद्धार गरेका थिए ।

बेहोस अवस्थामा रहेका उनीहरुलाई अर्घाखाँची अस्पतालमा उपचारको क्रममा मृत्यु भएको पौडेलले बताए । प्यूठानको सीमानासँग जोडिएको झिमरुक नदीमा अशोक र दिलीप पौडी खोल्न गहिरो ठाउँमा हाम फालेका थिए ।