यामराज बिष्ट
दैलेख । दैलेखमा सहकारी सन्देश फैलाउन उदेश्यले देउडा गीत प्रतियोगीता गरिएको छ । देउडा गीत मार्फत सहकारी सन्देश फैलाउन उदेश्यले जिल्ला सहकारी संघ दैलेखले देउडा गीत प्रतियोगिता गरेको हो ।
६८औं राष्ट्रिय सहकारी दिवसको अबसरमा देउडा गीत संरक्षणका कार्यक्रम आयोजना गरिएको जिल्ला सहकारी संघ दैलेखका अध्यक्ष भुपेन्द्र कुमार खड्काले बताए । उनले प्रथम हरियाली बचत तथा ऋण संस्था चामुण्डाबिन्द्रासैनि नगरपालिका–६,द्धितिय चन्द्रसूर्य बहुउद्देश्य सहकारी भगवतीमाई गाँउपालिका–१,तृतिय मनघर बचत तथा ऋण सहकारी भगवतीमाई गाँउपालिका–४सान्त्वना भगवती स्वाबलम्बन भगवतीमाई गाँउपालिका–१आएको बताउनुभयो।कार्यक्रममा बिजेतालाई पुरुस्कार प्रदान गरिएको समेत बताए ।
कार्यक्रममा जिल्ला समन्वय समितीका प्रमुख नमराज शाहीले देउडा गीत प्रतियोगीताले समाजमा रहेको विकृति विसंगतिको अन्त्य गर्न सहयोगी भूमिका खेल्ने बताए । उनले सहकारी संस्थाहरुले कृषकहरुको आर्थिक अवस्था सुधारका साथै सामाजिक सुधार र उन्नयन तथा ग्रामीण विकासकालागि आवश्यक महत्वपूर्ण भुमिका खेलेकाले सम्रग विकासका लागी आफ्नो सधै सहयोग रहने प्रतिवद्धता जनाए ।
यस्तै नारायण नगरपालिका दैलेखका नगरप्रमुख लोमन शर्मा , नेकपा एमाले दैलेखका अध्यक्ष शुर्यबहादुर शाही नेकपा (एकीकृत समाजवादी) दैलेखका अध्यक्ष मयाराम अधिकारी,नेकपा एमाले कर्णाली प्रदेशका उपसचिब रविन्द्रराज शर्माले सहरकारी संस्थाको सुधार र विकासका लागि सबैले सहयोग गर्नुपर्ने बताऐ ।