☰ open Loading... 12 April 2024|  

दार्चुलाको मार्मा पुग्यो गाडी
  | ५ आश्विन २०७३, बुधबार १८:२१

दार्चुलाको मार्मा क्षेत्रमा पहिलो पटक गाउँ गाडी पुगेको छ । कञ्चनपुरको महेन्द्रनगरबाट आएको महाकाली यातायातका ना ५ ख ७३५७ नम्बरकोे बस पहिलोपटक लटिनाथबजारमा पुगेपछि त्यस क्षेत्रका स्थानीय बासिन्दा हर्षित बनेका छन् ।

दार्चुलाको दुर्गम क्षेत्रका रुपमा रहेको मार्मा क्षेत्रमा मङ्गलबार पहिलोपटक गाडी पुगेको हो । “हाम्रो गाउँमा पहिलोपटक गाडी पुग्दा निकै खुसी भएका छौँ,” स्थानीयवासी दिनेश सिंहले भने – “पहिलोपटक गाउँमै बस पुगेको छ। अब बस चढेर सजिलै गाँउमै पुगिने भयो ।”

पहिलोपटक लटिनाथमा बस पुगेपछि स्थानीय बासिन्दाले बसचालक र बसधनीलाई भव्य स्वागतसमेत गरेका थिए । मार्मा क्षेत्रमा गाडी पु¥याउन सडक केही अप्ठ्यारो भए पनि अब नियमित बस सञ्चालनमा आउने बस धनी दिनेशबहादुर चन्दले बताए ।

यसअघि रिलपैरो भन्ने ठाउँमा पहिरो जानुका साथै अन्य केही ठाउँमा सडक साँघुरो भएकाले त्यस क्षेत्रमा बस सञ्चालन हुन सकेको थिएन । पहिरो गएको ठाउँमा जेसिबीले पहिरो पन्छाउनुका साथै सडक फराकिलो गरेपछि बस सञ्चालनमा आएको हो। यसअघि बैतडीको गन्नाबजारसम्म मात्र बस चल्दै आएको थियो ।
रातोपाटी