बुद्धको मुर्ति सहित प्रहरीले २ जनालाई पक्राउ गरेको छ । मुर्ति चोरी गरि ल्याएका मुर्ति तस्कर र प्रहरीबीच बासगढी—११ छोट्की डेउढाकला स्थित चकिया बाबा सामूदायिक वनमा मोतिपुर प्रहरी, क्षेत्रीय अनुसन्धान टोली र सिआईबिको टोलीले जंगल सर्च गर्ने क्रममा मुर्ति तस्करहरुलाई देखेर पक्राउ गर्न लाग्दा प्रहरी कै हतियार खोस्न खोज्दा प्रहरी चलाएको गोली लागी एक जना मुर्ति तस्कर घाइते भएको र अर्का एक जना पक्राउ गरिएको जिल्ला प्रहरी कार्यालय बर्दियाका प्रहरी उपरीक्षक भरत बहादुर बोहराले जानकारी दिए ।
प्रहरीले चलाएको गोलीले बर्दिया बासगढी नगरपालिका ११ का ४७ बर्षिय राम बहादुर सिंहको घुडाको तल गोली लागी लाग्दा घाइते भएका छन । साथै जाजरकोट सिमा ९ बस्ने ३७ बर्षिय राधिका सिंहलाई समेत प्रहरीले पक्राउ गरेको छ । उनीहरुबाट प्रहरीले एक थान बुद्धको मुर्ति समेत बरामद गरेको छ । बुद्धको मुर्ति कहाको हो भन्ने थप अुनसन्धान पछि मात्र थाहा हुने बोहराले भने ।
