सुर्खेत । वीरेन्द्रनगरस्थित इन्टरनेश्नल को–अपरेटिभ एकेडेमीमा वक्तृत्वकला प्रतियोगिता सम्पन्न भएको छ । नेल्टा सुर्खेतद्वारा परिचालित ईन्टरनेशनल नेल्टा सर्कल, वीरेन्द्रनगरले भ्यालु अफ् डिसिप्लिन इन् आवर् लाईफ विषयमा सो प्रतियोगिता सम्पन्न गरेका हो ।
प्रतियोगितामा सुम्निमा पुरी प्रथम, जुनु आचार्य दोस्रो र हेमन्त शाही तेस्रो भएका छन् । कार्यक्रममा बोल्दै नेल्टा अध्यक्ष विष्णुकुमार खड्काले विद्यार्थीहरुको प्रतिभाको प्रशंशा गर्दै विद्यालयहरुमा अंगे्रजी भाषाको विकास गर्न नेल्टा क्लवले महत्वपुर्ण योगदान गर्ने बताए ।
सर्कलकी अध्यक्ष रश्मी बटलाको अध्यक्षतामा भएको कार्यक्रम, इन्टरनेशनल को–अपरेटिभ एकेडेमीका प्रधानाध्यापक चन्द्र केसी, सर्कल सदस्य निशा शाही, विद्यालयका विद्यार्थी लगायतको सहभागीता रहेको नेल्टा फोकल पर्शन बेतेन्द्रकुमार दहालले जानकारी दिए ।
