सुर्खेत । एसओएस हर्मन माइनर मावि कालागाउँको स्काउट ग्रुपले शनिवार प्रशान्ति वृद्धाश्रमका ज्येष्ठ नागरिकलाई भोजन गराउनुको साथै सरसफाई गरेको छ ।

एसओएस बालग्रामका निर्देशक मुकुन्द गिरी, विद्यालयका प्राचार्य हिक्मतबहादुर वली, स्काउटरद्वय नवराज सापकोटा, मनिषा रावलगायत विद्यार्थीहरुले बृद्धाश्रमका ज्येष्ठ नागरिकलाई भोजन गराएका थिए भने ज्येष्ठ नागरिकको हातखुट्टाको नङ काटिदिएका थिए । यस्तै वृद्धाश्रम परिसरको पनि सरसफाई गरिएको थियो ।

सो अवसरमा स्काउट लिडर तृष्णा केसीले स्काउटका वारेमा प्रकाश पारेकी थिइन्भने वृद्धाश्रमका सचिव चेतप्रसाद अधिकारीले विद्यालयप्रति धन्यवाद ज्ञापन गरेका थिए । साथै सोही अवसरमा वृद्धाश्रमलाई विद्यार्थीहरुले खाजा खर्च कटाएर संकलन गरेको ४ हजार ९८० रुपैया“ पनि प्रदान गरेको जानकारी विद्यालयका शिक्षक महेन्द्र चन्दले दिए ।