| २५ आश्विन २०७४, बुधबार ०९:००
सागर परियार
जुम्ला । राष्ट्रपति विद्यादेवि भण्डारी आज जुम्ला अाउन लागेकी छन् । चन्नदननाथ नमुना माध्यमिक विद्यालयमा नवनिर्मित विज्ञान प्रयोगशालाको उद्घाटन गर्न राष्टपति भण्डारी जुम्ला आउन लागेकी हुन् ।
जुम्लाको कृषि सम्भावना तथा चुनौतीका बारेमा झण्डै १० मिनेटकाे अन्तरक्रिया कार्यक्रमम सहभागि हुने समेत कार्यतालिका राष्ट्रपतिका प्रेस सल्लाहकार माधब शर्माले जानकारी दिए ।
राष्ट्रपति जुम्ला आउने भएपछि उनकाे स्वागतका लागि सम्पुर्ण तयारी पुरा भएको विद्यालयका प्रधानाध्यापक टंक बहादुर महतले बताए । उनका अनुसार उद्घाटन पछि राष्ट्रपति जुम्लाबासीका नाममा सम्बोधन समेत गर्ने कार्यक्रम छ ।
राष्ट्रपतिको सुरक्षाका लागि सवै तयारी पूरा भएकाे जिल्ला प्रशासन कार्यालय जुम्लाले जनाएकाे छ । झण्डै २ घण्टाको बसाई पछि राष्ट्रपति भण्डारी काठमाडाैं फर्किने कार्यक्रम छ ।
