Loading... 14 August 2018|   मङ्लबार, साउन २९, २०७५

नौं जिल्लाको सुरक्षा व्यवस्था कडा, तयारी अवस्थामा हेलिकप्टर

  |

सुर्खेत । प्रथम चरण अन्तरगत हुन लागेको निर्वाचनका लागि साविकका मध्यपश्चिमाञ्चल विकास क्षेत्रका ९ जिल्लाको सुरक्षा व्यवस्था कडा पारिएको छ । आईतबार विहान ७ बजेबाट हुने मतदानका लागि सवै तयारी पूरा भएको र शान्तिपूर्ण रुपमा निर्वाचन सम्पन्न गर्न सुरक्षा व्यवस्था कडा पारिएको हो ।

याे पनि पढ्नुहाेस् : प्रदेश ६ : सात जिल्लामा निर्वाचन तयारी पूरा

 


मध्यपश्चिमाञ्चल विकास क्षेत्रका ९ जिल्लाका ५१० मतदान केन्द्रमा भोली मतदान हुँदैछ । ९ जिल्लामा झण्डै १६ हजारकाे संख्यामा नेपाल प्रहरी, म्यादी प्रहरी, नेपाली सेना, सशस्त्र प्रहरी र राष्ट्रिय अनुसन्धानका कर्मचारी खटिएका छन् ।

केही मतदान केन्द्रको शनिवार नै निर्वाचन आयोगका आयुक्त डा. अयोधीप्रसाद यादव, नेपाल प्रहरीका आईजीपी, नेपाली सेनाका प्रमुख लगायतले निरिक्षण गरेर फर्केको र आवश्यक सवै तयारी पूरा भएको मध्यपश्चिमाञ्चल क्षेत्रीय प्रशासन कार्यालय सुर्खेतका क्षेत्रीय प्रशासक सुरेश प्रधानले जानकारी दिए ।

याे पनि पढ्नुहाेस् :   प्रदेश ६ का ७ जिल्लामा थप सुरक्षाकर्मी परिचालन

उनका अनुसार मतदानका लागि नागरिकहरुमा उत्साह छाएको छ । कुनै मतदान स्थलमा अप्रिय घटना भएमा तत्काल हेलिकप्टर र सुरक्षाकर्मी पठाउन सुर्खेत विमानस्थलमा तयारी अवस्था राखिएको प्रधानले जानकारी दिए ।

मतदान सम्पन्न भएपछि हुम्ला र डोल्पा जिल्लाका मतदान केन्द्रबाट हेलिकप्टरबाट मतपेटीका सदरमुकाम ढुवानी गरिने क्षेत्रीय प्रशासक प्रधानले उल्लेख गरे ।

‘डोल्पा जिल्लाका हिमाल पारीका १९ मतदान केन्द्रबाट मतपेटीकाहरु हेलिकप्टरबाट समेत ढुवानी गरिनेछ’ प्रधानले भने,–‘सुरक्षा सम्वेदनशिला हेरेर अन्य जिल्लाका मतदान केन्द्रबाट दिउसोको समयमा मात्रै मतपेटीका ढुवानी गर्नेछौं ।’

प्रकाशित मितिः शनिबार, मंसिर ९, २०७४     6:16:57 PM