| २७ मंसिर २०७४, बुधबार १८:३१
सुर्खेत । जिल्ला प्रहरी कार्यालय सुर्खेतले लागुऔषध ब्राउनसुगर सहित दुई जनालाई पक्राउ गरेको छ । विशेष सुराकीको आधारमा प्रहरीले वीरेन्द्रनगर–६ का संजय गुरुङ र सुहानी व्युटी पार्लर सञ्चालिका इशरा खनाललाई गाेदाम लाइनबाट पक्राउ गरेकाे हो ।
उनीहरुको साथबाट ८६५ मिलिग्राम लागु औषध ब्राउनसुगर बरामद भएको जिल्ला प्रहरी कार्यालय सुर्खेतको विशेष शाखाले जानकारी दिएको छ । यस विषयमा थप अनुसन्धान भएको पनि प्रहरीको भनाई छ ।
