| ४ चैत्र २०७४, आईतवार १६:५४
सुर्खेत । नेपाली कांग्रेसका नेता पूर्णबहादुर खड्का चढेको गाडी दुर्घटनामा परेको छ । सदरमुकाम वीरेन्द्रनगरबाट भेरीगंगास्थित मसिना भन्ने ठाउँ जाने क्रममा खड्का चढेको बा १५ च ८३५४ नम्बरको गाडी दुर्घटनामा परेको हो ।
खड्का सवार गाडी भेरीगंगा नगरपालिकाकाे सत्तरी भन्ने ठाउँमा दुर्घटना भएकाे कर्णाली प्रदेश प्रहरी कार्यालय सुर्खेतले जानकारी दिएकाे छ ।
दुर्घटनामा खड्काका अंगरक्षक प्रहरीका नायव निरीक्षक सञ्जिव अाचार्य घाइते भएका छन् । उनकाे क्षेत्रीय अस्पताल कालागाँउमा उपचार हुन नसकेपछि सिटी स्क्यानकाे लागि वीरेन्द्रगरस्थित माया नर्सिङ हाेममा उपचार भइरहेकाे छ । पूर्वगृहमन्त्री समेत रहेका खड्का भने सकुसल छन् । गाडी भित्तामा ठोक्किएकाे छ तर दुर्घटना कारण नखुलेकाे प्रदेश प्रहरीले जनाएकाे छ ।
