| १३ जेष्ठ २०७६, सोमबार १६:३८
सुर्खेत । सुर्खेतमा नेत्रविक्रम चन्द विप्लव माओवादीले गोली चलाएर मोटरसाईकलमा आगजनी गरेका छन् । भेरीगंगा नगरपालिकाको छिन्चुबाट ढुंगीखोला जाँदै गरेको भे ८ प १८९६ नम्बरको मोटरसाईकलमा विप्लवका कार्यकताले आगजनी गरेका हुन् ।
याे पनि पढ्नुहाेस् : सुर्खेतमा यात्रु झारेर बसमा अागजनी
६ जनाको समुहमा रहेका विप्लवका कार्यकर्ताले आफूलाई झारेर मोटरसाईकलको ट्यांकीमा गोली हानेको सवारीधनी टिकाराम मिजारले जानकारी दिनुभयो ।
उहाँकाअनुसार मोटरसाईकल पूर्ण रूपमा क्षति भएको छ । विप्लवका कार्यकर्ताले मिजारले मोबाइलको सीम समेत लगेका छन् । विप्लवले सोमबार बिहान पूर्वी सुर्खेतको गोचेखोलामा बसमा समेत आगजनी गरेको थियो ।
