सुर्खेत । कर्णाली प्रदेशका लागि बजाज कम्पनीको आधिकारिक डिलर असिम अटो पाटर्स सुर्खेतका सञ्चालक लक्ष्मण कंडेलले उत्कृष्ट अवार्ड पाएका छन् । काठमाण्डाैैमा सम्पन्न बजाज कम्पनीद्वारा आयोजित समारोहमा सञ्चालक कंडेल देशभरका डिलरमध्य उत्कृष्ट अवार्ड पाएका हुन् ।
कर्णालीमा सर्भिस, पाटर्स र सेल्स उत्कृष्ट गरेको भन्दै कंडेललाई बजाजको नेपालका लागि आधिकारिक बिक्रेता हंसराज हुलासचन्द एन्ड कम्पनीका प्रवन्ध निर्देशक शेखर गोल्छा र बजाज भारतका भ्वाईस प्रेसीडेन्ट चन्द्र शेखर शर्माले अर्वाड दिएका हुन् ।
बजाजका देशभरमा ९४ डिलर छन् । बजाजमै लामो समयदेखी आवद्ध भएका कंडेलले उत्कृष्ट अवार्डबाट सम्मानितहुँदा ग्राहकहरुलाई प्रभावकारी सेवा दिने हौसला प्रदान भएको प्रतिक्रिया दिनुभएको छ । बजाजका कर्णालीमा १५ हजार ग्राहकहरु रहेको कम्पनीको दावी छ । सुर्खेत र कर्णालीमा बजाजका डिलर छन् ।
