सुर्खेत । छिन्चु-जाजरकोट सडक खण्डको झुल्केमा जीप दुर्घटनाहुँदा एक जनाकाे मृत्यु भएको छ । दुर्घटनामा पाँच यात्रु घाइते भएका छन् । अाज विहान तीन बजे जीप दुर्घटनामा भएको जिल्ला प्रहरी कार्यालय सुर्खेतले जनाएको हाे ।
‘गुर्भाकोट न.पा. ९ झुल्के स्थित नेपालगंजबाट जामुने बजार सुर्खेत तर्फ जाँदै गरेको लु १ ज ४०७९ नं. को बोलेरो जिप अनियन्त्रित भई सडकको बायाँ भित्तामा ठोकिन जाँदा भएको दुर्घटनामा परि गम्भीर घाइते भएका सिम्ता ९ बस्ने बर्ष २४ को भुपाल खत्रीको उपचारको क्रममा मेहलकुना अस्पतालमा विहान सवा पाँच बजे मृत्यू भएको छ ।’
जिल्ला प्रहरी कार्यालय सुर्खेतका प्रहरी नायव उपरीक्षक रवि रावलले भने, ‘घाइते भएका सिम्ता गा.पा. ९ बस्ने २६ वर्षका जिवन पुन (चालक) च्यापिइएको अबस्थामा रहेकोले उद्दार गरी उपचारको लागी पठाइएको हाल उनको अवस्था बोल्न सक्ने रहेको छ ।’
दुर्घटनामा परेका जय ब. अधिकारी, सुर्य ब. रोकाय, ईश्वर गिरी, र बिरुनाथ योगीको अवस्था सामान्य रहेको उनको भनाई थियो ।
