सुर्खेत -अवैधरुपमा निर्माण भई काम रोकिएको दिनेश स्मृति प्रतिस्ठानलाई डिभिजन वन कार्यालय सुर्खेतले साढे ११ लाख रकम दिएकाे छ। चौतर्थी विरोध भएपछि वीरेन्द्रनगर घन्टाघर नजिकै निर्माण हुुँदै गरेको दिनेश स्मृति प्रतिस्ठानलाई डिभिजन वन कार्यालय सुर्खेतले काम पूरा नहुँदै साढे ११ लाख रकम भुक्तानी दिएको हाे।
उपत्यका नगर विकास समितिको स्वामित्वमा रहेको जग्गा वीरेन्द्रनगर नगपालिकाले आफ्नो क्षेत्राधिकार बाहिर गएर पार्क निर्माणको लागी स्वीकृति दिएको थियो।हाल त्यसक्षेत्रमा सामान्य जग निर्माणको काम मात्रै भएको छ।डिभिजन वन कार्यालले दुई पटक गरेर अवैधानिक तरिकाले पार्क निर्माण हुन लागेको संस्थालाई रकम भुक्तानी दिएको छ।
कार्यालयका प्रमुख गोविन्द्र प्रसाद दाहालको निर्देशनमा काम स्थगित भएको संस्थाको नाममा यही असार २४ गते दुईलाख रकम भुक्तानी दिएकाे छ।यसअघि कार्यालयले साढे ९ लाख रकम भुक्तानी दिईसकेको थियो।यसरी विधि र प्रकृया नपुराएर क्षेत्राधिकार नाघेर नगरपालिकाले स्वीकृत दिएको संस्थालाइ कार्यालयले रकम दिएर जनताको करबाट आएको रकमको दुरुपयोग भएको छ।
यस्तै नागरिक समाज संस्थाका प्रतिनिधिहरुले यस सम्बन्धि सत्य तथ्य पत्ता लगाउन माग गर्दै आएका छन।उनिहरुले क्षेत्राधिकार नाघ्ने नगरपालिका,
डिभिजन वन र प्रतिस्ठानलाई छानविनको दायरामा ल्याउन माग गरेका छन।
अहिले त्यसक्षेत्रमा लगानी गरेको रकम बालुवामा पानी हाले शरह भएको छ।नगरपालिकाले २०७६ चैत ७ गते वीरेन्द्रनगरमा मुटुमा रहेको जमिन व्यक्तिका नाममा पार्क निर्माण गर्न भन्दै स्वीकत दिएको थियो।पार्क निर्माणको काम शुरुभएपछि विभिन्न क्षेत्रबाट यसको विरोध भएपछि नगरपालिकाले काम रोक्न डिभिजन वनलार्इ निर्देशन दिएको हो।
पार्क निर्माण विधि र प्रकृया नमिलेको भन्दै अख्तियार दुरुपयोग अनुसन्धान आयोगमा मुद्धा समेत परेको छ भने अहिले त्यो मुद्धा विचारधिन अवस्थामा रहेको छ।
नगरपालिकाका प्रमुख टिकाराम ढकालले सुर्खेत उपत्यका नगर विकास समितिको लेटरप्याडको दुरुपयोग गर्दै २०७७ जेठ ९ गते पार्क निर्माण सम्बन्धि विभिन्न सर्तहरु सहितको पत्र नगर विकासको बोड बैठक निर्णय नहुदै आफूखुशि दुरुपयोग गरेका थिए।यदि कुनै संस्थालाई जग्गा दिनुपरे नगर विकास समितिको बोड बैठकबाट भएका निर्णयलाई संघिय विभागिय मन्त्रालयमा स्वीकृतिको लागी पठाउनु पर्ने कानुनी व्यवस्था रहेको छ।हाल सम्म नगर विकास समितिको बोडले पुर्णता पाउन नस्कदा कुनै पनि निर्णय गर्ने काम भएको छैन ।
