कालीकोट – कालीकोटको नरहरिनाथ गाउँपालिका ७ उच्छवको दुदुली खोलाले बगाउँदा एकै परिवारका चार जनाको ज्यान गएको छ ।माइत जान हिँडेकी अछामको पञ्चदेवल विनायक नगरपालिका ९ तानकोटकी ३३ वर्षीया देवा बोहोरा, उनकी १४ वर्षीया छोरी विपना ,सात वर्षीय छोरा हेमन्त र एक वर्षीया छोरी आकृतिको खोलाले बगाएर ज्यान गएको हो ।

शनिबार खोलाले बगाएका उनीहरुको शव आइतबार फेला परेको नरहरिनाथ गाउँपालिकाका अध्यक्ष धीरबहादुर विष्टले जानकारी दिए ।भारी वर्षासँगै खोलामा पानीको बहाव बढेकाले जङ्घार तर्दा उनीहरुको जनाको ज्यान गएको हो ।