सुर्खेत । घरको करेसा बारीमा लुकाइछिपाइ राखेको काठसहित प्रहरीले एकजनालाई पक्राउ गरेको छ । भेरीगंगा नगरपालिका-४, स्थित टुनिखोलाका ४६ वर्षीय उदिराम खत्रीसहित ११४.४७ क्यू फिट काठ प्रहरीले पक्राउ गरेको हो ।

उदिरामले घरको करेसा बारीमा सालको चिरान काठ एक सय ३६ थान (कडी) र गोलिया पाँच थान लुकाएको विशेष सूचनाको आधारमा पक्राउ गरिएको प्रहरीले जनाएको छ ।उनलाई इलाका प्रहरी कार्यालय छिन्चुले पक्राउ गरेको हो । उदिराम र काठलाई सवडिभिजन वन कार्यालय छिन्चुमा बुझाइएको प्रहरीले जनाएको छ ।