पुनम बि.सी.
सुर्खेत, १२ मंसिर
चर्चित फुुटबल खेलाडी डिएगो म्याराडोनाको सम्झनामा वीरेन्द्रनगरमा दिप प्रज्वलन गरिएको छ ।
अर्जेन्टिनाका चर्चित फुुटबल खेलाडी म्याराडोनाको सम्झनामा स्थानीय युवाहरुको समुहले वीरेन्द्रनगर चौकमा दिप प्रज्वलन गरेको हो ।
वीरेन्द्रनगरका स्थानीय युवा विनोद महताराले भने, ‘म्याराडोनाको मृत्युको खबरले सारा विश्वका फुटबल प्रेमीहरुलाई मर्माहित तुल्याएको छ ।’
उनले भने, ‘विश्वको फुटबल जगतमा म्याराडोनाको योगदान कदरपुर्ण छ । फुटबल जगतमा उनको योगदानलाई विश्वले सधैव सम्झने छ ।’
इंग्ल्याण्डविरुद्ध खेलिएको एक खेल स्मरण गर्दै महताराले भने, ‘ह्याण्ड अफ गड गोल गर्ने उनै हुन् ।’
हृदयघातका कारण बुधबार अर्जेन्टिनामा ६० वर्षको उमेरमा म्याराडोनाको निधन भएको हो । म्याराडोनाको कप्तानीमा अर्जेन्टिनाले सन् १९८६ मा विश्वकपको उपाधि जितेको थियो ।