| २८ मंसिर २०७७, आईतवार १०:०३
दैलेख । दैलेखमा कालीज मार्न जंगल गएका एकजना युवकको रुखबाट लडेर मृत्यु भएको छ । महाबु गाउँपालिका-२, घोगेपाटाका २४ वर्षीय लोकबहादुर बुढाको आइतबार बिहान मृत्यु भएको हो ।
घर नजिकैको जंगलमा शनिबार कालीज मार्ने क्रममा रुखबाट लडि उन घाइते भएका थिए । घाइते बुढालाई उपचारका लागि जिल्ला अस्पताल दैलेख ल्याउँदै गर्दा आइतबार बिहान २ बजेतिर बाटोमै मृत्यु भएको जिल्ला प्रहरी कार्यालय दैलेखले जनाएको छ ।
