| १४ पुष २०७७, मंगलवार ०७:०२
रुकुम पश्चिम, । जिल्लाको मुसीकोट नगरपालिका–८, किटनीकी ५० वर्षीया डल्ली बुढा आइतबार बेलुकी ५ :१५ बजेतिर हातमा चक्कुसहित आफुले आफ्नो श्रीमानको हत्या गरेको भन्दै जिल्ला प्रहरी कार्यालय रुकुम पश्चिम पुगेकी हुन् ।
जिल्ला प्रहरी कार्यालयमा ती महिला आएपछि घटनास्थलतर्फ गएको प्रहरी टोलीले उनका ३९ वर्षीय श्रीमान् चित्रबहादुर थापाको शव उनकै घरमा फेला पारेको जिल्ला प्रहरी कार्यालय रुकुम पश्चिमले जनाएको छ। घटनास्थलमा धारिलो हतियार ( चक्कु) प्रयोग गरी हत्या गरेको शव भेटिएपछि हत्या भएको प्रारम्भिक अनुसन्धानबाट खुलेपनि थप अनुसन्धान भैरहेको प्रहरीको भनाई छ ।आफैले अपराध गरेको भन्दै प्रहरी कार्यालयमा पुगेकी डल्ली चित्रबहादुरकी कान्छी श्रीमती हुन् ।
