| २४ पुष २०७७, शुक्रबार १६:३०
दैलेखमा शुक्रबार बिहान भिरबाट लडेर एक महिलाको मृत्यु भएको छ । भगवतीमाई गाउँपालिका-१, की २६ वर्षीया पुष्पा अधिकारको मृत्यु भएको हो ।
सुर्खेतमा रहेको माइती घर जाँदै गर्दा सोही वडाको जुगाखोलास्थित ठाडोपानी नजिकै भिरबाट लडेर उनी घाइते भएकी थिइन् ।
घाइते पुष्पाको जिल्ला अस्पताल दैलेखमा उपचारका क्रममा मृत्यु भएको जिल्ला प्रहरी कार्यालय दैलेख जनाएको छ । प्रहरीका अनुसार उनी बाटोदेखि करिब पाँच सय मिटर तल खसेकी थिइन् ।
