सुर्खेत । बाँकेको कोहलपुरदेखि सुर्खेत आउँदै गरेको टिप्परमा एक्कासी आगलागी भएको छ । सुर्खेतस्थित भेरीगंगा नगरपालिका–५, एमाले मोडदेखि दुई किलोमिटर हर्रेतर्फ भे१ख २४४१ नम्बरको टिप्परमा गुडिरहेकै अवस्थामा आगलागी भएको हो ।
बालुवा ल्याएर सुर्खेत आउँदै गरेको उक्त टिप्परमा वाइरिङ सट हुन गइ आगलागी भएको प्रहरीले जनाएको छ । आगलागीबाट मानवीय क्षति नभएको र टिप्परमा क्षति पुगेको बताइएको छ ।