यामराज बिष्ट दैलेख : दैलेखमा माईक्रोबस दुर्घटना हुँदा दुई जनाको मृत्यु भएको छ ।दुर्घटना परि मृत्यु हुनेमा शुभकालिका गाउँपालिका घर भएका ३७ वर्षीय जितेन्द्र शाही र नरहरिनाथ गाउँपालिकाका २१ वर्षीय कमल विक रहेका प्रहरीले जानकारी दिएको छ ।

दुर्घटनामा १० जना घाइते  भएका छन् ।विहीबार  कर्णाली राजमार्गको दैलेख सडकखण्डको आठविस नगरपालिका –१ टुईकुनामा माइक्रोबस  दुर्घटना भएको हो । कालिकोटबाट सुर्खेत छुटेको ०२००१ ख २४७ नम्बर माइक्रो बस दुर्घटनामा परेको हो।

दुर्घटना परि घाईते भएका १० जनामध्ये ७ जना घाइतेलाई एम्बुलेन्समार्फत सुर्खेत पठाइएको जिल्ला प्रहरी कार्यालय दैलेखले जानकारी दिएको छ।

माइक्रो राजमार्गबाट करिब ५० मिटर तल खसेको छ ।माइक्रोमा कालिकोटबाट १८ यात्री सवार थिए। दुर्घटनाबारे प्रहरीले छानवीन गरिरहेको जनाइएको छ। ।