| २ असार २०७८, बुधबार ०५:२६
पाल्पा -लगातारको वर्षाका कारण खसेको पहिरोले पुरेर एकजनाको मृत्यु भएको छ ।पाल्पाको रिब्दीकोट गाउँपालिका–४ मन्छिपमा आएको पहिरोमा परेर १९ वर्षीय मदन भट्टराईको मृत्यु भएको पाल्पाका एसपी सन्तोष भट्टराईले बताए ।
मंगलबार साँझ खसेको पहिरोमा पुरिएपछि गम्भिर घाइते भएका भट्टराईको उपचार गर्न पाल्पा अस्पताल लैजाँदै गर्दा मृत्यु भएको हो । घटनास्थलमा प्रहरी चौकी हार्थोकबाट प्रहरी सहायक निरिक्षक नेतृत्वको टोली खटिएको छ ।
