बैतडी -जीप दुर्घटना हुदा तीन जनाको मृत्यु भएको छ भने ११ जना गम्भीर घाइते भएका छन् । मृत्यु हुनेमा बैतडीको सिगास गाउँपालिका ३ का ४५ बर्षीय जयसिंह धामी, ४५ बर्षीय मानसिंह साउद र ६४ बर्षीय रामसिंह धामी रहेका छन् । उनीहरुको घटना स्थलमै मृत्यु भएको स्थानीय जनक सिंह धामीले मध्यान्हलाई बताए।
सिगास गाउँपालिका वडा नं ३ बाट डडेल्धुरातर्फ गईरहेको से १ ज ७३९ नम्बरको जीप लगन भन्ने स्थानमा आइतबार बिहान साढे नौ बजे दुर्घटनामा परेको हो ।
दुर्घटनामा परी ११ जना घाइते भएका छन् । घाइतेमध्ये ३ जनाको अवस्था गम्भीर रहेको छ । सिगास गाउँपालिका ३ का १८ बर्षीय योगेन्द्र धामी, १३ बर्षीय लक्ष्मण बोहरा र ४० बर्षीया गोमती साउँदको अवस्था गम्भीर रहेको छ ।
यस्तै सिगास गाउँपालिका ३ कै २९ बर्षीय करनसिंह धामी, ४५ बर्षीय दलबीर साउद, ४० बर्षीय चक्र धामी, ३८ बर्षीय वासमती धामी, २० बर्षीया राजेन्द्र धामी, ४७ बर्षीय कृष्ण धामी, ४० बर्षीय शेरबहादुर धामी र २० बर्षीय रविन्द्र धामी समान्य घाइते भएका छन् । जीप चालक १९ बर्षीय खगेन्द्र साउँड र जिप साहु ४४ बर्षीउ हरिभान साउँद भने फरार रहेको जिल्ला प्रहरी कार्यालय बैतडी ले जनाएको छ।उक्त दुर्घटना परेको जीपमा १६ जना सवार रहेका बताइएको छ। । जीप सडकबाट करीव ७० मीटर तल खसेको जनाइएको छ । घाइतेहरुलाई डडेल्धुरा अस्पताल र धनगढी अस्पताल पठाइएको अर्का स्थानीय जीवन धामीले बताए ।
