दैलेख- दैलेखमा मुंग्रो प्रहार गरी श्रीमानको हत्या गरेको आरोपमा प्रहरीले श्रीमातीलाई पक्राउ गरेको छ। पक्राउ पर्नेमा नारायण नगरपालिका–११ टाटामाखुकी ३३ बर्षीया सुसिला मल्ल रहेकी छिन् । ३५ बर्षीय खगेन्द्र मल्लको हत्या गरेको आरोपमा प्रहरीले पक्राउ गरेको हो।
सुसिलाले बिहीबार साझ साढे ९ बजे आफनै श्रीमान खगेन्द्रलाई मुङग्रोले टाउकोमा प्रहार गरेको दैलेख प्रहरी प्रमुख डिएसपी श्रेष्ठले बताए । घरमा भएको किला ठोक्ने काठको मुङग्रोले पति खगेन्द्रको टाउकोमा हानी हत्या गरेको जाहेरी दरखास्तका आधारमा प्रहरीले सुसिलालाई नियन्त्रणमा लिएको छ ।
उनले मादक पदार्थ सेवन गरेर घरमा श्रीमतीसँग वादविवाद भएको र निरन्तर पीडा दिने गरेको श्रीमानले दिएको पीडा सहन नसकी हत्या गरेको प्रहरीको प्रारम्भिक अनुसन्धानले देखाएको छ ।
घरायसी सामान्य विवाद भएको भन्ने प्रारम्भिक अध्ययनले देखाएको र थप अनुसन्धानका लागी श्रीमती मल्ललाई पक्राउ गरिएको रअनुसन्धानले सबै खुल्छ डिएसपी श्रेष्ठले बताए ।मृतक खगेन्द्रको शुक्रवार नै दैलेख अस्पतालमा पोस्टमार्टम गरिएको छ । मृतक खगेन्द्रका तिन छोरी छन्।
