| ८ आश्विन २०७८, शुक्रबार १९:३५
चितवनको इच्छाकामना गाउँपालिका–५, नाग्दी खोला पुल नजिकबाट त्रिशूली नदीमा परेका ३ जना अझै भेटिएका छैनन् । काठमाडौंबाट पोखरा जाँदै गरेको ग२च ४९१८ नम्बरको नीजि कार शुक्रबार विहान त्रिशुलीमा खसेको हो ।
बेपत्ता हुनेमा कास्कीको पोखरा महानगरपालिका(१७ का प्रेमबहादुर भुजेल, लेखबहादुर भुजेल र ईश्वरी भुजेल रहेका छन् । वेपत्ता तीनजनाको नेपाल प्रहरी र शसस्त्र प्रहरीले खोजी कार्य भईरहेको अस्थायी प्रहरी चौकी मुग्लीनले जनाएको छ ।
रातीको समयमा अनियन्त्रित भई सडकबाट करिब ३५ मिटर तल त्रिशूली नदीमा खसेको हो । कारमा सवार पोखराका रुद्रलाल सुवेदीलाई भने घाईते अवस्थामा उद्धार गरिएको थियो । घाईते सुवेदीको पुरानो मेडिकल कलेज चितवनमा सामान्य उपचार पछि थप उपचारको लागि पोखरा लगिएको प्रहरीले जनाएको छ ।
