| २९ कार्तिक २०७८, सोमबार ०५:१२
काठमाडौं। पछिल्लो २४ घण्टामा देशभर ३०६ जना कोरोना संक्रमित थपिएका छन् ।पछिल्लो २४ घण्टामा ८ हजार ८ पीसीआर र १ हजार ५९८ एन्टिजेन परीक्षण गर्दा ३०६ जनामा कोरोना संक्रमण पुष्टि भएको हो ।
त्यस्तै पछिल्लो २४ घण्टामा कोरोनाबाट ६ जनाको मृत्यु भएको छ । योसँगै नेपालमा हालसम्म कोरोना संक्रमणका कारण मृत्यु हुनेको संख्या ११ हजार ४७७ पुगेको छ ।
गत २४ घण्टामा ३४८ जना कोरोनाबाट संक्रमणमुक्त भएका छन् ।हाल देशभर सक्रिय संक्रमितको संख्या ७ हजार २१५ पुगेको स्वास्थ्य तथा जनसंख्या मन्त्रालयले जनाएको छ ।
पछिल्लो २४ घण्टामा काठमाडौं उपत्यकामा ११३ जना कोरोना संक्रमित थपिएका छन् । काठमाडौंमा ७६, ललितपुरमा २९ र भक्तपुरमा ८ जना संक्रमित थपिएका हुन् ।
