दैलेख । जिल्ला प्रहरी कार्यालय दैलेखमा कार्यरत प्रहरी नायव उपरीक्षक (डीएसपी )अनुपम श्रेष्ठलाई पश्चिम नेपाल पत्रिकाले सम्मान गरेको छ।दैलेखमा १५ महिनाको कार्यकाल अवधिभर जिल्लामा भइरहेका झै–झगडा, घरेलु हिंसा, रोक्न महत्व पुर्ण भमिका खेलेको भन्दै पश्चिम नेपाल पत्रिकालेले (डीएसपी)अनुपम श्रेष्ठलाई सम्मान गरेको हो ।श्रेष्ठलाई पश्चिम नेपालका कार्यकारी सम्पादक यामराज बिण्ट र कला संयोजक लोकेन्द्र जिसी कुमारले जिल्लाको शान्ति, सुरक्षा लगायत बिभिन्न गतिविधीमा खेलेको योगदानको प्रसंशा गर्दै कदर पत्र र खादा ओडायर सम्मान गरेका हुन ।
प्रहरी नायव उपरीक्षक श्रेष्ठले जिल्लामा मिडिया संग समन्वय गरि आफ्नो जिउ ज्यानको समेत प्रवाह नगरी समाजमा शान्ति स्थापनार्थ देखाउनुभएको अदम्य साहस, अटल निष्ठा र उच्च आदर्शका साथ समाजको लागि गरेको अतुलनिय योगदानको कदर स्वरुप उनलाई सम्मान प्रदान गरेको पश्चिम नेपाल पत्रिकाका सम्पादक गोविन्द केसिले जानकारी दिए ।
यस्तै पश्चिम नेपाल पत्रिकालाई धन्यवाद दिदै, सम्मान कार्यक्रमले आफुलाई थप उत्साहित बनाएको र यस प्रकारका कार्यहरुलाई निरन्तरता दिनु पर्ने सम्मानीत प्रहरी नायव उपरीक्षक (डीएसपी) अनुपम श्रेष्ठलाई बताए ।डीएसपी श्रेष्ठले कोभिड १९ नियन्त्रण एवं विभिन्न सचेतना मुलक कार्यक्रमहरु संचालन र लकडाउनको उत्कृष्ट कार्यान्वयन तथा स्थानिय निकाय, विभिन्न सरोकारवालाहरु सँग आवश्यक समन्वय गरी समाजमा शान्ति सुरक्षा कायम राख्ने कार्यमा समेत सकृय भएर जिल्लामा काम गरेका थिए ।
