कांग्रेस सल्यानकाे सभापतिमा ५ मतले केश बहादुर विष्ट विजय

| ७ मंसिर २०७८, मंगलवार १८:२९

सल्यान– नेपाली कांग्रेस सल्यान जिल्ला समितिको सभापतिमा केशबहादुर विष्ट विजय भएका छन्। निकटतम् प्रतिद्वन्द्वीभन्दा ५ मत मात्रै बढी ल्याएर विष्ट जिल्ला समितिको सभापतिमा निर्वाचित भएका हुन्। विजयी विष्ट सभापति शेरबहादुर देउवा निकट हुन्। विष्टको जितसँगै देउवा पक्षबाट विजयी हुने जिल्ला सभापतिको संख्या नौ पुगेको छ।

कांग्रेसको सल्यान जिल्ला अधिवशेनअन्तर्गतको निर्वाचनमा कूल १ हजार २२५ मत खसेको थियो। सोमबार भएको जिल्ला अधिवेशनबाट उपसभापतिमा सन्तोष केसी र चक्र देवकोटा विजयी भएका छन्। सचिवमा प्रकाश भण्डारी र एकराज बुढाथोकी, सहसचिवमा जनकराज गौतम र पदमबहादुर बुढाथोकीले निर्वाचित भएका छन्।

सम्बन्धित समाचार