| १३ मंसिर २०७८, सोमबार ११:५६
कालीकोट -कालीकोटको नरहरिनाथ गाउँपालिका-१ निलाखामा ट्रक दुर्घटना हुँदा एक जनाको ज्यान गएको छ । एक जना घाइते भएका छन् ।
सिमेन्ट र डिजेल बोकेर जितेगडाबाट नरहरिनाथ गाउँपालिकाको सुनथराली विमानस्थलतर्फ जाँदै गरेको बा ५ ख ४६४३ नम्बरको ट्रक दुर्घटना भएको हो ।
दुर्घटनामा परि ट्रक चालक नरहरिनाथ-१ का जयबहादुर विष्टको ज्यान गएको कालीकोटका डीएसपी सिद्धराज न्यौपानेले जानकारी दिए ।
दुर्घटनामा घाइते भएका नेत्रबहादुर विष्टलाई उपचारका लागि जिल्ला सदरमुकाम ल्याउने तयारी भइरहेको न्यौपानेले बताए ।
