दैलेख -आफ्नै छोरीलाई पटक–पटक जबरजस्ती करणी गर्न खोजेको आरोपमा प्रहरीले देलेखमा एक जनालाई पक्राउ गरेको छ । प्रहरीका अनुसार आफ्नै १६ बर्षीया छोरीलाई जबरजस्ती करणी प्रयास गरेको आरोपमा ४८ बर्षीय बाबुलाई पक्राउ गरिएको हो ।

पीडित बालिकाकी आमाले दिएको जाहेरी अनुसार मंगलवार राती घरमा सबै जना खाना खाई सुतिसकेको र पीडित बालिकाको आमा समेत घरमा नभएको मौका छोपी ती पुरुषले छोरीमाथी जबरजस्ती करणी गर्ने प्रयास गरेका थिए ।

आफ्नै नाबालिका छोरीमाथी जबरजस्ती करणी गर्ने प्रयास गरेको आरोपमा पक्राउ परेका ती पुरुषमाथी थप अनुसन्धानका लागि दैलेख जिल्ला अदालतमार्फत जबरजस्ती करणी उद्योग मुद्धामा ७ दिन म्याद थप गरी प्रहरी हिरासतमा राखिएको छ ।यसअघि पनि पटकपटक उनले छोरीलाई जबरजस्ती करणी गर्ने प्रयास गरेको प्रहरी अनुसन्धानबाट खुलेको छ ।