वीरेन्द्रनगर — कर्णाली प्रदेशसभाको नवौं अधिवेशनको पहिलो बैठकमा विभिन्न ५ वटा अध्यादेश पेस भएका छन् । बुधबारको बैठकमा प्रदेश सरकारका आर्थिक मामिला तथा योजनामन्त्री बिन्दमान विष्टले अध्यादेश पेस गरेका हुन् ।

उनले कर्णाली प्रदेश विनियोजन अध्यादेश २०७८, कर्णाली प्रदेश आर्थिक अध्यादेश २०७८, प्रदेश लोकसेवा आयोग दोस्रो संशोधन अध्यादेश २०७८, प्रदेश लोकसेवा आयोगका पदाधिकारीको पारिश्रमिक, सेवाका सर्त र सुविधासम्बन्धी अध्यादेश २०७८ र कर्णाली प्रदेश खेलकुद विकास पहिलो संशोधन अध्यादेश २०७८ सभामा पेश गरेका छन् । सभामा पेस भएका अध्यादेश अस्वीकारसम्बन्धी प्रस्ताव पेस गर्न चाहनेका लागि २ दिनको समय दिइएको सभामुख राजबहादुर शाहीले बताए ।