दैलेख- दैलेखमा बाल विवाह गर्ने दुई जना पक्राउ परेका छन् । दैलेख प्रहरीले बाल विवाह गरेको आरोपमा दुई जनालाई पक्राउ गरेको हो । प्रक्राउ पर्नेमा दुल्लु नगरपालिका वडा नं- ४ बस्ने दिनेश थापा र एक बालिका रहेको दैलेख प्रहरी प्रमुख भुवनेश्वर प्रसाद साहले बताए ।

थापाले ती बालिकालाई माघ ८ गते ललाई फकाई प्रलोभनमा वारी बाल विवाह गरि घरमा ल्याई राखेको भन्ने जाहेरी परेकाले थप अनुसन्धानका लागि दुवै जनालाई नियन्त्रणमा लिईएको डीएसपी साहले जानकारी दिए। पक्राउ परेका दुवै जनालाई दैलेख जिल्ला अदालतबाट पाँच दिनको म्याद थप अनुमती लिई यसबारे थप अनुसन्धान भइरहेको प्रहरीले जनाएको छ ।