उच्च अदालत सुर्खेतका चार जना न्यायाधीशसहित २१ जना कर्मचारीमा कोरोना संक्रमण देखिएपछि एक साताका लगि सेवा बन्द गरिएको छ।

मंगलबार गरिएको परीक्षणमा चार न्यायाधीश, कर्मचारी र सवारी चालकहरुमा कोरोनो देखिएको थियो। उच्च अदालतले मंगलबार विज्ञप्तिमार्फत माघ १२ गतेदेखि १८ गतेसम्मका लागि सेवा प्रवाह बन्द गरिएको बताएको छ।

‘म्याद थप, पक्राउ पूर्जी र जरुरी पक्राउ पूर्जीबाहेकका सबै सेवाहरु १८ गतेसम्मका लागि बन्द गरिएको छ,’ विज्ञप्तिमा भनिएको छ, ‘यो अवधिमा विदामा रहेका न्यायाधीशहरु आएको खण्डमा सेवा प्रवाहका सम्वन्धमा पुनः सुचना प्रकाशन गरिने छ।’