| १६ चैत्र २०७८, बुधबार ०५:२६
बाँकेः बाँकेमा टिप्परको ठक्करबाट पैदल यात्रीको मृत्यु भएको छ । कोहलपुरबाट नेपालगञ्जका लागि छुटेको भे १ क ६५६ नम्बरको टिप्परले ठक्कर दिँदा स्थानीय ७० वर्षीय वीरबल भण्डारीको मृत्यु भएको हो ।
जिल्ला प्रहरी कार्यालय, बाँकेका प्रहरी नायब उपरीक्षक मधुसूदन न्यौपानेका अनुसार टिप्परले नेपालगञ्ज उपमहानगरपालिका–२० राँझा चोकमा ठक्कर दिँदा भण्डारीको मृत्यु भएको हो ।
टिप्परको ठक्करबाट गम्भीर घाइते भएका भण्डारीलाई अस्पताल पुयाएलगत्तै चिकित्सकले मृत घोषणा गरेका थिए । ठक्कर दिइने टिप्पर र चालकलाई प्रहरीले नियन्त्रणमा लिएको छ । थप अनुसन्धान भइरहेको प्रहरीले जनाएको छ ।
