| २० चैत्र २०७८, आईतवार ०५:४९
काठमाडौं, । पछिल्लो २४ घण्टामा १० जनामा कोरोना सङ्क्रमण पुष्टि भएको छ । स्वास्थ्य तथा जनसङ्ख्या मन्त्रालयका अनुसार दुई हजार ८३ जनामा पीसीआर परीक्षण गर्दा १० जनामा सङ्क्रमण पुष्टि भएको हो ।
त्यसैगरी, १२ सय ७७ जनाको एन्टिजेन परीक्षण गर्दा एक जनामा सङ्क्रमण पुष्टि भएको मन्त्रालयले जनाएको छ । पीसीआर र एन्टिजेन गरेर ३३ सय ६० जनाको परीक्षण गर्दा कुल ११ जनामा सङ्क्रमण देखिएको छ ।
२४ घण्टामा ९० जना सङ्क्रमण मुक्त भएका छन् । पछिल्लो केही दिनदेखि मुलुकमा सङ्क्रमणका कारण मृत्यु हुनेको सङ्ख्या शून्य रहेको मन्त्रालयले जनाएको छ ।
अहिले देशभर ९४२ जना सक्रिय सङ्क्रमित छन् । २४ घण्टामा ५६ हजार ९९३ जनाले कोरोनाविरुद्धको खोप लगाएको मन्त्रालयले जनाएको छ ।
