| २१ चैत्र २०७८, सोमबार ०५:१९
काठमाडौंः पछिल्लो २४ घण्टामा थप २३ जनामा कोरोना भाइरस संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार ५ हजार ८४७ जनाको पीसीआर परीक्षण गर्दा २३ जनामा संक्रमण पुष्टि भएको हो । साथै १ हजार ६२ जनाको एन्टीजेन परीक्षण गर्दा एक जनामा पनि कोरोना संक्रमण नदेखिएको मन्त्रालयले जनाएको छ ।
पछिल्लो २४ घण्टामा कोरोनाबाट ६६ जना निको भएका छन् भने हाल देशभर ८९९ जना सक्रिय संक्रमित रहेका छन् । जसमध्ये ८५८ जना होम आइसोलेसनमा रहेका छन् भने ४१ जना संस्थागत आइसोलेसनमा रहेका छन् । कोरोनाका बिरामीमध्ये १५ जना आईसीयू र २ जना भेन्टिलेटरमा उपचाररत् छन् ।
नेपालमा अहिले कोरोना संक्रमितको कुल संख्या ११ लाख १८ हजार ६१५ पुगेको छ । यस्तै अहिलेसम्म कोरोनाबाट मृत्यु हुनेको संख्या ११ हजार ९५१ पुगेको मन्त्रालयले जनाएको छ ।
