लामो समयदेखि सुर्खेतमा पत्रकारिता गर्दै आएका पत्रकार दीपेन्द्र ओली स्थानीय तहको निर्वाचनका लागि वडाको उम्मेदवार बनेका छन् । दैलेखको गुराँस गाउँपालिका–८ मा उनी एमालेका तर्फबाट सर्वसम्मत उम्मेदवार बनेका हुन् ।
झण्डै १२ वर्षदेखि सुर्खेतस्थित रेडियो जागरण एफएमको विभिन्न फाँट हुँदै स्टेशन म्यानेजरको भूमिका निर्वाह गरिसकेका ओली कर्णाली प्रदेशका पूर्व प्रदेश प्रमुख गोविन्द प्रसाद कलौनीको प्रेस सल्लाहकारको भूमिका समेत निर्वाह गरेका थिए ।
उनी सञ्चारकर्मी भएको नाताले युवाहरूबीच लोकप्रिय र चर्चित छन् । तर चुनावमा भने मत परिणामले मात्र को बलियो, को कमजोर भन्ने निर्धारण गर्छ । ०७४ मा गुराँस गाउँपालिकामा प्रमुख र उपप्रमुख नेपाली काँग्रेसले जितेको थियो । ८ वटा वडामध्ये ४ वटा वडामा मात्र एमालेले जितेको थियो । अहिले पत्रकार ओली उम्मेदवार बनेको वडा नं.–८ मा एमालेका पुर्ण बहादुर ओलीले ५१३ मत ल्याएर विजय भएका थिए ।
