काठमाडौं । नेपालमा थप १४ जनामा कोरोना संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार पछिल्लो २४ घण्टामा २ हजार ५९५ जनाको आरटी पीसीआर र एन्टिजेन विधिबाट परीक्षण गर्दा थप १४ जनामा कोरोना संक्रमण पुष्टि भएको हो ।

१ हजार ४१३ जनाको पीसीआर विधिबाट परीक्षण गर्दा ११ जना र १ हजार १८२ जनाको एन्टिजेन विधिबाट परीक्षण गर्दा ३ जनामा संक्रमण पुष्टि भएको मन्त्रालयले जनाएको छ । योसँगै नेपालमा कोरोना संक्रमितहरुको कुल संख्या ११ लाख १९ हजार ४०५ पुगेको छ ।

त्यस्तै पछिल्लो २४ घण्टामा ८ जना संक्रमितहरु कोरोनामुक्त भएका छन् । योसँगै नेपालमा कोरोनामुक्त हुनेहरुको संख्या ९ लाख ६७ हजार ११० पुगेको छ । हाल नेपालमा १ सय १ जना कोरोनाका सक्रिय संक्रमितहरु विभिन्न आइसोलेशनमा उपचाररत छन् ।