काठमाडौं । नेपालमा थप २५ जनामा कोरोना संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार पछिल्लो २४ घण्टामा ३ हजार ९०५ जनाको आरटी पीसीआर र एन्टिजेन विधिबाट परीक्षण गर्दा २५ जनामा कोरोना संक्रमण पुष्टि भएको हो ।

मन्त्रालयका अनुसार २ हजार ८५६ जनाको पीसीआर विधिबाट परीक्षण गर्दा १९ जना र १ हजार ४९ जनाको एन्टिजेन विधिबाट परीक्षण गर्दा ६ जनामा कोरोना पुष्टि भएको हो । योसँगै नेपालमा कोरोना संक्रमितको कुल संख्या ११ लाख १९ हजार ६५२ पुगेको छ ।

त्यस्तै, पछिल्लो २४ घण्टामा नेपालमा थप १५ जना संक्रमितहरु निको भएका छन् । योसँगै नेपालमा कोरोना संक्रमणमुक्त हुनेहरुको कुल संख्या ९ लाख ६७ हजार २४८ पुगेको छ । हाल नेपालमा ९७ जना कोरोना संक्रमितहरु विभिन्न आइसोलेशनमा उपचाररत छन् ।