| ८ श्रावण २०७९, आईतवार ०५:२७
रुकुम – रुकुम पश्चिममा एक महिलाको शव सडेको अवस्थामा फेला परेको छ ।जिल्लाको मुसीकोट नगरपालिका १ गिलबाङ निपानेमा पहिचान नखुलेकी अन्दाजी ३५र४० वर्षकी महिलाको शव सडेको अवस्थामा फेला परेको जिल्ला प्रहरी कार्यालय रुकुम पश्चिमले जनाएको छ । कार्यालयका प्रहरी नायव उपरीक्षक विष्णुप्रसाद सोतीका अनुसार महिलाको शव सडेर टाउकोको पुरै भाग खसेको छ ।
शुक्रबार बेलुका गिलबाङको एक पुरानो गोठमा शव कुहिएको अवस्थामा रहेको भनि स्थानीयले खबर गरेपछि प्रहरीको टोली त्यहाँ पुगेको थियो । अहिले शवलाई जिल्ला अस्पताल सल्लेमा राखिएको र थप अनुसन्धान भइरहेको पनि डीएसपी सोतीले बताए ।
