काठमाडौं : नेपालमा थप ६ सय ६० जनामा कोरोना संक्रमण देखिएको छ । पछिल्लो २४ घण्टामा एक हजार ९ सय ४२ जनाको पीसीआर परीक्षण गर्दा ३ सय २६ र २ हजार ७ सय ४० जनाको एन्टिजेन परीक्षण गर्दा ३ सय ३४ जनामा संक्रमण पुष्टि भएको स्वास्थ्य तथा जनसंख्या मन्त्रालयले जनाएको हो ।

योसँगै देशभर सक्रिय संक्रमितको संख्या ५ हजार ६ सय ४१ पुगेको् छ । संक्रमणबाट पछिल्लो २४ घण्टामा १ जनाको मृत्यु भएको छ । योसँगै नेपालमा कोरोना संक्रमणबाट मृत्यु हुनेको संख्या ११ हजार ९ सय ७१ पुगेको छ । पछिल्लो २४ घण्टामा ४ सय ४४ जना संक्रमण मुक्त भएका छन् ।