| २ आश्विन २०७९, आईतवार ०५:१२
काठमाडौंः पछिल्लो २४ घण्टामा दशभर थप ६३ जनामा कोरोना संक्रमण पुष्टि भएको छ । ३ हजार ७४० जनाको परीक्षणमा ६३ जनामा कोरोना संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।
मन्त्रालयका अनुसार १ हजार ५७४ जनाको पीसीआर परीक्षण गर्दा ३५ जना र २ हजार १६६ जनाको एन्टिजेन परीक्षण गर्दा २८ जनामा संक्रमण देखिएको हो ।
योसँगै कोरोना भाइरसको सक्रिय संक्रमितको संख्या १ हजार ९६६ जना पुगेको मन्त्रालयले जनाएको छ । यस्तै, पछिल्लो २४ घण्टामा १३१ जना कोरोना संक्रमणमुक्त भएका छन् । मन्त्रालयले दिएको जानकारी अनुसार पछिल्लो २४ घण्टामा कोरोनाबाट मृत्यु हुनेको संख्या शून्य रहेको छ ।
