काठमाडौंः अख्तियार दुरुपयोग अनुसन्धान आयोगले घुस लिएको आरोपमा एक जनालाई पक्राउ गरेको छ । पक्राउ पर्नेमा सशस्त्र प्रहरी बल सुरक्षा बेसक्याम्प, रुपन्देही विष्णुपुराका सशस्त्र प्रहरी सहायक हवल्दार नगेन्द्र सेन रहेका छन् ।

ट्याक्टरमा माटो ओसारपसार गर्ने क्रममा घुस मागेका आरोपमा उनलाई पक्राउ गरिएको अख्तियारले जनाएको छ ।

बुटवलबाट खटिएको अख्तियारको टोलीले सेनलाई सेवाग्राहीबाट २० हजार रुपैयाँ घुस लिइसकेपछि गैडहवा गाउँपालिका वडा नम्बर ३ मंगलपुरबाट नियन्त्रणमा लिएको हो । घुस रकमसहित पक्राउ परेका सेनमाथि थप अनुसन्धान भइरहेको आयोगले जनाएको छ ।