यामराज बिष्ट
दैलेख –कृषि बिकास कार्यालय दैलेखले जिल्लाको नौमूले गाँउपालिकामा रहेका बिभिन्न योजनाहरुको अनुगमन गरेको छ । सोमबार कृषि बिकास कार्यालय दैलेखका प्रमुख घनश्याम कार्कीको नेतृत्वमा अनुगमन गरिएको हो।
जिल्लाको नौमूले गाउँ पालिका वडा नम्बर- ४ मा रहेको कालिका सिर्चाइ पोखरीको अनुगमन गरिएको छ । नौमूले गाउँपालिका वडा नं-४मा निर्माण गरिएको सिर्चाइ पोखरीका लागी कृषि बिकास कार्यालय दैलेखले ७लाख रुपैयाँ अनुदान सहयोग लागतमा सिर्चाइ पोखरी निर्माण गरिएको छ ।निर्माण गरिएको सिर्चाइ पोखरीले किसानलाई सिचाई गर्न सहज हुने भएकाले सहयोग गरिएको प्रमुख घनश्याम कार्कीले बताए ।
त्यस्तै नौमूले गाउँपालिकामा रहेका उपभोक्ताहरु मार्फत निर्माण सम्पन्न भएका पोखरी, सिचाँई कुलो निर्माण गरिएका नाला, वाल लगाएत ४ वटा योजानाहरुको स्थलगत अनुगमन गरिएको कार्यालय प्रमुख कार्कीले बताए।
अनुगमन पछि सञ्चारकर्मी सँग कुराकानी गदै कृषि बिकास कायालय दैलेखका कार्यालय प्रमुख घनश्याम कार्कीले भने “चार वटै योजनाको अवस्था राम्रो छ र ४वटै योजनालाई प्रभावकारी संगै दिगो बनाउनु पर्ने ‘ सुझाव दिएका छन् ।अनुगमनमा कृषि बिकास कार्यालय दैलेखका कृषि अर्थ बिज्ञ झलक भण्डारी तथा पत्रकारको सहभागिता रहेको थियो ।