☰ open Loading... 3 March 2024|  

मुगुमा आगलागी हुँदा दुई बालबालिकाको मृत्यु
पश्चिम नेपाल   | २२ माघ २०८०, सोमबार १५:५८

मुगुको खत्याड गाउँपालिका–२ गाडेखोला टोलमा आगलागी हुँदा २ जना बालबालिकाको मृत्यु भएको छ।

जिल्ला प्रहरी कार्यालय मुगुका अनुसार गाडेखोला टोलका सञ्ज्याल तीन दाजुभाइको घरमा आइतवार राति १ बजेतिर आगलागी हुँदा २ जना बालबालिकाको मृत्यु भएको हो।

मृत्यु हुनेमा लालु सञ्ज्यालका १४ वर्षीय छोरा विशाल सञ्ज्याल र १२ वर्षीया छोरी झरना सञ्ज्याल रहेको जिल्ला प्रहरी कार्यालय मुगुका प्रहरी नायव उपरीक्षक वीरेन्द्र थापाले बताए।

थापाका अनुसार आगलागीबाट तीन दाजुभाई लालु सञ्ज्याल, नरदीप सञ्ज्याल र दीपराज सञ्ज्यालको घर पूर्ण रुपमा जलेर नष्ट भएको छ।