पश्चिम नेपाल | १६ मंसिर २०८१, आईतवार २१:३६
आइतबार भएको उपनिर्वाचनमा रोल्पाको रुन्टीगढी गाउँपालिका-४ को वडाअध्यक्ष पदमा कांग्रेसका उम्मेदवार भूपमणि पुन मगर जितेका छन् । उनले ६४३ मत पाएका छन् ।
उनका निकटतम प्रतिद्वन्दी एमालेका बेगम पुनले ५३५ मत पाएका छन् । अघिल्लो निर्वाचनमा कांग्रेस र एमाले उम्मेदवारबीच ८ मतको अन्तर थियो ।
सबै १९०० मतदाता रहेकोमा १२९७ मत खसेको थियो । तेसो स्थानमा रहेका माओवादी केन्द्रका उम्मेदवारले ७० मत पाएका थिए ।
२०७९ मा भएको स्थानीय तहको निर्वाचनबाट कांग्रेसका तर्फबाट निर्वाचित वडाअध्यक्ष टंकबहादुर पुनको मृत्यु भएपछि उपनिर्वाचन भएको हो । पुनको मृत्यु गत असारमा स्क्रव टाइफसका कारण उपचारका क्रममा दाङस्थित राप्ती स्वास्थ्य विज्ञान प्रतिष्ठानमा भएको थियो ।
