सल्यानमा ट्र्याक्टर दुर्घटना हुँदा एक जनाको मृत्यु भएको छ । छत्रेस्वरी गाउँपालिका-१ भालुमारेदेखि मैयनीतर्फ कम्पोष्ट मल बोकेर जादै गरेको लु.प्र. ०२०० त ००१२ ट्र्याक्टर बुधबार विहान ८:३० मा उछिट्टेगौरामा पल्टिँदा छत्रेस्वरी गाउँपालिका*१ का ४९ का क्षेत्रबहादुर खत्रीको मृत्यु भएको हो ।
कम्पोष्ट मल बोकेको ट्र्याक्टर दुर्घटनामा पर्दा सुन्तला बगैँचामा हाल्न मल ल्याउँदै गरेका खत्री ट्रलीले च्यापिएका थिए ।
खत्रीको घटनास्थलमै मृत्यु भएको छत्रेस्वरी गाउँपालिका-१ का वडाध्यक्ष प्रकाश हमालले बताए । मृतकको सव पोष्टमार्टमका लागि जिल्ला अस्पताल पठाइएको उनले जानकारी गराए । जिल्ला प्रहरी कार्यालय सल्यानका प्रहरी नायव उपरीक्षक केसरकुमार न्यौपानेले ट्र्याक्टरमा चार जना सवार रहेकामा खत्री ट्रलीमा बसेकाले उनी मात्र च्यापिएका अगाडि बस्ने कसैलाई चोटपटक समेत नलागेको बताए ।
चालक बाग्चौर नगरपालिका ९ बस्ने बर्ष ३५ का सुरेश चन्द फरार रहेका र उनको खोजी भइरहेको जानकारी गराए ।