जिल्ला प्रहरी कार्यालयले सदरमुकाम सिमकोट भित्रिदै गरेको ८७ कार्टुन चिनीयाँ मदिरा बरामद गरेको छ । गस्तीमा रहेको प्रहरीले चेकिङ गर्ने क्रममा बोलेरो जीपमा ओसार्दै गरेको मदिरा सिमकोट बजारबाट बरामद गरेको हो ।

प्रमरी उपरिक्षक शंकर पोरखेलका अनुसार सिमकोट गाउँपालिका– ७ को डाँडाफयाबाट सिमकोट ल्याउने क्रममा सिमकोट बजार पुगेको लु २ च २०६७ नम्बरको बोलेरो जीपमा लोड गरिएको चिनीयाँ मदिरा बरामद भएको छ । चिनीयाँ मदिरालाई अबैध मानिन्छ ।

२९ बोरामा ८७ कार्टुन चिनीयाँ मदिरा बरामद गरिएको हो । एउटा कार्टुनमा १२ बोटल हुन्छन् । कुल एक हजार ४४ बोटल मदिरा बरामद गरिएको छ । अबैध भएको कारण एउटा बोटलको पाँच सय सय रुपियाँ मुल्य पर्छ ।

पाँच लाख बाईस हजार मुल्यको चिनीयाँ मदिरा बरामद भएको छ । मदिरासंग बोलेरो जीप र चालकलाई पनि प्रहरीले नियन्त्रणमा लिएको छ । आवश्यक बरामदी मुचुल्का तयार पारेर भन्सार कार्यालयलाई बुझाईने छ । त्यसपछि उक्त मदिरा नष्ट गरिने छ ।