सुर्खेत । उच्च अदालतलाई सुर्खेतलाई कैद र जरिवाना रकम असुल गर्नै सकस भएको जनाएको छ । विभिन्न समयमा अदालतहरुबाट फैसला गरिएका व्यक्तिहरु लामो समयदेखी फरार रहेकाले कैद र जरिवाना रकम असुल गर्न सकस भएको हो ।

पत्रकार सम्मेलनमा बोल्दै उच्च अदालत सुर्खेतका मुख्य न्यायाधीस हरिकुमार पोखरेलले लामो समयदेखी अदालतले गरेका फैसला कार्यान्वयन नहुँदा बोझ वहन गर्नु परेको जनाकारी दिए ।

उनका अनुसार उच्च अदालतले हेर्न सुर्खेत, दैलेख, जाजरकोट, सल्यान र रुकुम जिल्ला अदालतले कुल तीनहजार ६४ वर्ष सात महिना साढे दिन कैद भुक्तान गर्न बाँकी छ । यस्तै, जरिवनातर्फ ४ करोड १४ लाख ४१ हजार ६८ रुपैयाँ तीन पैसा असुल हुन बाँकी छ ।

कुन अदालतमा कति ?
कैदतर्फ
सुर्खेत जिल्ला अदालत          :   १३६८ वर्ष ८ महिना साढे २९ दिन
दैलेख जिल्ला अदालत          :   ४८१ वर्ष ३ महिना १० दिन
जाजरकोट जिल्ला अदालत    :  ४१७ वर्ष १ महिना १५ दिन
सल्यान जिल्ला अदालत         :  ८१६ वर्ष ६ महिना ७ दिन
रुकुम जिल्ला अदालत           :  ४८० वर्ष ११ महिना ६ दिन
जरिवनातर्फ
सुर्खेत जिल्ला अदालत           :  १६०४१०३१.९५
दैलेख जिल्ला अदालत           :  २८८८०३९.१७
जाजरकोट जिल्ला अदालत     :  ६४९१६९९
सल्यान जिल्ला अदालत          :  २८४६२५६.४१
रुकुम जिल्ला अदालत            : ३१७४०४२

अदालतले फैसला गरेर फरार रहेका व्यक्तिहरुलाई पक्राउ गर्न प्रदेश प्रहरी कार्यालयसंग समन्वय गरेपनि अपेक्षाकृत सफता पाउन नसकेको मुख्यन्यायाधिस पोखरेलले जानकारी दिए । उच्च अदालतले अघिल्लो आर्थिक वर्षमा ४२२ मुद्दा मध्य ३७८ मुद्दा फछ्र्यौट गरेको ६ भने ६४ मुद्दा फछ्र्यौट हुन बाँकी छन् । यी मध्य अधिकाँश मुद्दाहरु दर्ता भएको समयदेखी एक वर्षमै अदालतले फैसला गर्ने गरेको पोखरेलको भनाई छ । न्याय सम्पादनलाई प्रभावकारी बनाउन अदालतले उच्च प्राथमिकता साथ काम गरिरहेको पनि उनले बताए ।